30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Գրեթե երեք հազար ուկրաինացի բանտարկյալներ համալրել են Ուկրաինայի ԶՈՒ շարքերը․ The Washington Post
Քաղաքականություն
17.06.2024 | 15:51
Ավելի քան 2750 բանտարկյալներ արդեն համալրել են Ուկրաինայի Զինված ուժերի շարքերը, գրում է The Washington Post-ը՝ հղում անելով Ուկրաինայի արդարադատության նախարար Դենիս Մալյուսկային։
Ըստ ուկրաինացի պաշտոնյայի՝ առաջին փուլով նախատեսվում է Ուկրաինայի Զինված ուժեր ուղարկել առնվազն չորս հազար բանտարկյալի։ Բոլոր դատապարտյալները կծառայեն միայն «հատուկ ռիսկի հարձակման բրիգադներում», որոնք ամբողջությամբ կազմված են նախկին բանտարկյալներից։
«Մեր բանտարկյալների մոտիվացիան ավելի ուժեղ է, քան հասարակ զինվորների մոտիվացիան։ Նրանց ազատ արձակումը միայն մասնակի դրդապատճառ է։ Նրանք ցանկանում են պաշտպանել իրենց երկիրը և ցանկանում են շրջել այս էջը»,- ասել է Մալյուսկան:
Գերագույն Ռադան այս տարվա մայիսի սկզբին է ընդունել օրինագիծ Ուկրաինայի Զինված ուժերում որոշակի կատեգորիաների բանտարկյալների կամավոր մոբիլիզացիայի մասին։
