14.01.2026 | 18:44
Ղրղզստանում առաջարկում են Վլադիմիր Սոլովյովին անցանկալի անձ հայտարարել
Պեսկովը՝ Ուկրաինայի հարցով գագաթնաժողովի հռչակագրին Թուրքիայի, Սերբիայի ու Հունգարիայի միանալու մասին
Քաղաքականություն
17.06.2024 | 15:35
Հունգարիայի, Սերբիայի և Թուրքիայի դիրքորոշումը, որը նրանք որդեգրել են Շվեյցարիայի գագաթնաժողովում Ուկրաինայի հետ կապված իրավիճակի քննարկման ժամանակ, չի փչացնի հարաբերությունները Ռուսաստանի Դաշնության հետ։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՌԻԱ Նովոստին։
«Ո՛չ, չի փչացնի։ Մենք, իհարկե, հաշվի կառնենք դիրքորոշումը, որն այդ երկրները որդեգրել են»,- ասել է Պեսկովը՝ պատասխանելով լրագրողների հարցին, թե Ուկրաինայի հարցով Շվեյցարիայի գագաթնաժողովում Հունգարիայի, Սերբիայի և Թուրքիայի դիրքորոշումը կփչացնի՞, արդյոք, հարաբերությունները Ռուսաստանի հետ։
Նա նաև նշել է, որ Ռուսաստանը հաշվի կառնի երկրների դիրքորոշումը, որը նրանք որդեգրել են Շվեյցարիայում Ուկրաինայի հարցով գագաթնաժողովում և կշարունակի ներկայացնել նրանց իր հիմնավորումները։
Նշենք, որ հունիսի 16-ին Շվեյցարիայում անցկացված Ուկրաինայի հարցով գագաթնաժողովի եզրափակիչ հռչակագրին աջակցել են մասնակից 100 պատվիրակություններից 84-ը։ Նրանց թվում են նաև Թուրքիան, Սերբիան ու Հունգարիան, որոնք սերտ հարաբերություններ ունեն Մոսկվայի հետ։
Ի դեպ, հռչակագրին չի միացել Հայաստանը, որը գագաթնաժողովում ներկայացնում էր ԱԽ քարտուղար Արմեն Գրիգորյանը։
