23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
Էլեկտրաէներգիայի անջատումներն ավելի երկար կլինեն․ «Ուկրէներգո»
Քաղաքականություն
17.06.2024 | 14:23
Առաջիկա շաբաթներին ուկրաինական էներգահամակարգում իրավիճակն է՛լ ավելի կբարդանա, զգուշացրել է Ukrenergo ազգային էներգետիկ ընկերության խորհրդի ղեկավար Վլադիմիր Կուդրիցկին Suspilne հեռուստաալիքի եթերում։ Նրա խոսքով՝ ժամը 11.00-ից մինչև 23.00-ն անջատումները կլինեն ավելի երկար, քան մնացած օրերին, և դա կտևի մոտավորապես մինչև հուլիսի վերջ, գրում է DW-ի ռուսական ծառայությունը։
«Դա կապված է ատոմային էլեկտրակայանների էներգաբլոկների վերանորոգման առանձնահատկությունների հետ։ Այդ պատճառով էլ պետք է պատրաստ լինել այն բանին, որ մոտավորապես 1-1,5 ամիս այս գրաֆիկը մեզ հետ կլինի, հատկապես երեկոյան ժամերին, սպառման պիկ ժամերին, այսպես ասենք, զգալի կլինի»,- ասել է Կուդրիցկին։
Ukrenergo-ի ղեկավարը նշել է, որ անջատումների տևողության վրա, բացի ատոմակայանների ավանդական ամառային վերանորոգումից, ազդում են նաև այլ գործոններ, մասնավորապես, արտասահմանից էլեկտրաէներգիայի ներմուծման ծավալը, եղանակը, որն ազդում է էլեկտրաէներգիայի սպառման վրա։
Ուկրաինայի բոլոր շրջաններում արդյունաբերության և տնային տնտեսությունների համար նախատեսված էլեկտրաէներգիայի անջատումները մտցվել են վերջին ամիսներին Ռուսաստանի Դաշնության կողմից էներգետիկ ենթակառուցվածքների վրա հասցված զանգվածային հարձակումների ֆոնին:
