14.01.2026 | 19:00
«Թրամփի ուղին» ավելի մեծ անվտանգային երաշխիք է, քան եթե ԱՄՆ դեսպանը գնա սահման, ասի՝ մի կրակեք․ Հայկազ Ֆանյան․ ՏԵՍԱՆՅՈՒԹ
Մոսկվայի միջնորդությամբ Թուրքիայի և Սիրիայի զինվորականները հանդիպել են ռուսական «Հմեյմիմ» ավիաբազայում
Քաղաքականություն
17.06.2024 | 14:44
Թուրքական և սիրիական զինվորական պատվիրակությունները հանդիպել են Ռուսաստանի կողմից շահագործվող «Հմեյմիմ» ավիաբազայում։ Այս մասին հայտնում է թուրքական Aydınlık-ը՝ վկայակոչելով սիրիական կառավարության աղբյուրներին։
Նշվում է, որ հանդիպումը տեղի է ունեցել հունիսի 11-ին Ռուսաստանի միջնորդությամբ:
Երկու երկրների միջև որոշ ժամանակով սառեցված բանակցությունները վերսկսվել են։ Այս համատեքստում Թուրքիայի զինված ուժերի և սիրիական բանակի զինվորականները հավաքվել են «Հմեյմիմ» ավիաբազայում։ Հանդիպման ընթացքում քննարկվել են հատկապես Իդլիբում և նրա շրջակայքում վերջին զարգացումները։
Աղբյուրը նշել է, որ հանդիպումը կայացել է Մոսկվայում ՌԴ նախագահ Վլադիմիր Պուտինի և Թուրքիայի արտգործնախարար Հաքան Ֆիդանի բանակցությունների հաջորդ օրը։
«Այս հանդիպումն իր տեսակի մեջ առաջինն էր Սիրիայի տարածքում անվտանգության հարցերով։ Հարաբերությունները, կարծես, գնալով սերտանում են»,- ասել է աղբյուրը։
Նա նաև հայտնել է, որ հաջորդ հանդիպումը կողմերի միջև տեղի է ունենալու Իրաքի մայրաքաղաք Բաղդադում։
