24.06.2026 | 02:07
ԱԱ-2026. Անգլիան ոչ-ոքի խաղաց Գանայի հետ. ՏԵՍԱՆՅՈՒԹ
ՆԱՏՕ-ի երկրները միջուկային զենքը պատրաստի վիճակի բերելու շուրջ խորհրդակցություններ են սկսել
Քաղաքականություն
17.06.2024 | 10:52
ՆԱՏՕ-ի երկրները խորհրդակցություններ են սկսել Ռուսաստանի և Չինաստանի սպառնալիքների պատճառով միջուկային զենքը պատրաստի վիճակի բերելու հարցի շուրջ, հայտարարել է ՆԱՏՕ-ի գլխավոր քարտուղար Յենս Ստոլտենբերգը The Telegraph-ին տված հարցազրույցում։
Ստոլտենբերգի խոսքով՝ ՆԱՏՕ-ի անդամ երկրները ներկայումս բանակցություններ են վարում ավելի շատ միջուկային զենքի տեղակայման շուրջ։
«Իհարկե, ՆԱՏՕ-ի նպատակն առանց միջուկային զենքի աշխարհն է, բայց քանի դեռ կա միջուկային զենք, մենք կմնանք միջուկային դաշինք, քանի որ աշխարհը, որտեղ Ռուսաստանը, Չինաստանը և Հյուսիսային Կորեան ունեն միջուկային զենք, իսկ ՆԱՏՕ-ն՝ ոչ, ավելի վտանգավոր աշխարհ է»,- շեշտել է նա:
ՆԱՏՕ-ի գլխավոր քարտուղարը նաև ասել է, որ Չինաստանը, մասնավորապես, մեծ ներդրումներ է կատարում ժամանակակից սպառազինությունների, այդ թվում՝ իր միջուկային զինանոցի մեջ, որի ծավալը, ըստ նրա, մինչև 2030 թվականը կաճի՝ հասնելով 1000 մարտագլխիկի։
«Իսկ դա նշանակում է, որ տեսանելի ապագայում ՆԱՏՕ-ն կարող է բախվել մի բանի, որը նախկինում երբեք չի հանդիպել, այն է՝ միջուկային զենք ունեցող երկու պոտենցիալ հակառակորդների՝ Չինաստանի և Ռուսաստանի հետ: Իհարկե, դա հետևանքներ կունենա»,- ասել է Ստոլտենբերգը։
