07.10.2026 | 10:15
Հայաստանի ներկայացուցիչները ադրբեջանցի և միջազգային փորձագետների հետ Լոնդոնում մասնակցել են աշխատաժողովի
Թուրքիան պաշտոնապես հայտնել է, որ 2023թ․ փետրվարի 6-ի երկրաշարժերի հետևանքով շուրջ 46,000 մարդ է զոհվել
Քաղաքականություն
14.06.2024 | 17:25
2023 թվականին Թուրքիայում մահացել է ավելի քան 525,000 մարդ․ նախորդ տարվա համեմատ այս ցուցանիշն աճել է 4,1 տոկոսով։ Այս մասին ասվում է Թուրքիայի պետական վիճակագրական ինստիտուտի (TÜİK) հրապարակած «Մահվան և մահվան պատճառների վիճակագրության մասին» զեկույցում, գրում են թուրքական լրատվամիջոցները։
Նշվում է, որ մահացության ամենաբարձր մակարդակով նահանգը 2023 թվականին երկրի հարավ-արևելյան Ադըյամանն է, որին հաջորդում են Հաթայը և Քահրամանմարաշը։ Այս բոլոր նահանգները լրջորեն տուժել են 2023 թվականի փետրվարի 6-ին տեղի ունեցած երկրաշարժերից, որոնք հարվածել էին երկրի հարավ-արևելյան հատվածին։
TÜİK-ի զեկույցի համաձայն՝ երկրաշարժերի հետևանքով զոհվել է 45,784 Թուրքիայի քաղաքացի։ Ներքին գործերի նախարար Ալի Երլիքայան 2024 թվականի փետրվարին հայտարարել էր, որ մահերի ընդհանուր թիվը կազմել է 53, 537։
