24.06.2026 | 10:42
«Ինձ պիտի օգնեք, որ ես դառնամ համայնքապետ». ՀԿԿ-ն նոր գաղտնալսում է հրապարակել
Ուկրաինայի պատերազմում զոհվել է առնվազն 56,4 հազար ռուս զինվոր․ ԶԼՄ-ներ
Քաղաքականություն
14.06.2024 | 16:37
Mediazona-ն և BBC-ի ռուսական ծառայությունը կամավորների խմբի հետ միասին բաց աղբյուրների հիման վրա պարզել են 56,452 ռուս զինվորականների անունները, որոնք մահացել են Ուկրաինա լայնամասշտաբ ներխուժման ժամանակ:
Ըստ աղբյուրների՝ ռուսական հաստատված կորուստների շաբաթական ցուցանիշները կրկին աճում են, ինչը կարող է լինել Խարկովի ուղղությամբ Ռուսաստանի շարունակվող հարձակման հետևանք։ Այսպիսով, վերջին երկու շաբաթվա ընթացքում նրանք հաստատել են ևս 1,689 մարդու մահը։
Կորուստների իրական թիվը միանշանակ ավելին է, քան լրագրողների կողմից հաստատված թիվը։ Նրանք նշում են, որ հիմնվում են միայն բաց տվյալների վրա, որոնք հնարավոր է ստուգել՝ պաշտոնյաների և լրատվամիջոցների հաղորդագրությունների, զոհերի հարազատների հրապարակումների և գերեզմանատների տեղեկությունների վրա։
Բացի այդ, նշված թիվը չի ներառում «Վագներ» ռազմականացված խմբավորման ցուցակից 19,547 զոհված վարձկանների անունների մեծ մասը, որոնք նույնպես վերլուծել են BBC-ն և Mediazona-ն։
Լրագրողները, վկայակոչելով իրենց տրամադրության տակ գտնվող փաստաթղթերը հինգ միլիոն ռուբլու փոխհատուցման վճարումների վերաբերյալ, պարզել են, որ 2022-2023 թվականներին «Վագները» ռուսական գաղութներում հավաքագրել է 48,366 բանտարկյալի, որոնցից ավելի քան 17 հազարը մահացել է 2023 թվականին Բախմուտի համար մղված մարտերում:
