23.02.2026 | 10:00
Արտարժույթների փոխարժեքները՝ փետրվարի 23-ի դրությամբ
Ստեփանակերտի քաղաքապետի նկատմամբ 2 ամիս ժամկետով տնային կալանք է կիրառվել
Հասարակություն
14.06.2024 | 14:43
Դատավոր Մասիս Մելքոնյանը ամբողջությամբ բավարարել է քննիչի միջնորդությունն ու Ստեփանակերտի քաղաքապետի նկատմամբ կիրառել 2 ամիս ժամկետով տնային կալանք, այս մասին Factor.am-ին հայտնեց նրա փաստաբան Ռուբեն Մելիքյանը։
Փաստաբանը նաև տեղեկացրեց, որ դատարանի որոշումը բողոքարկվելու է, քանի որ այն իրավաչափ չեն համարում։
«Ի սկզբանե քննչական կոմիտեն էր տնային կալանքի միջնորդություն ներկայացրել, այլ ոչ թե Մասիս Մելքոնյանն էր փոխել, սա շատ կարևոր արձանագրում է, այսինքն՝ նախաձեռնողը եղել է ՔԿ-ն։ Դատավորը կարող էր, օրինակ, 2 ամսվա փոխարեն 1 ամիս նշանակել»,- կարծիք հայտնեց փաստաբանը։
Հիշեցնենք՝ Դավիթ Սարգսյանին մեղադրանք է առաջադրված ՀՀ քրեական օրենսգրքի 255-րդ հոդվածի 3-րդ մասի 3-րդ կետով և 457-րդ հոդվածի 2-րդ մասով՝ առերևույթ խարդախությամբ առանձնապես խոշոր չափերով գույքի հափշտակություն կատարելու և փաստաթղթեր կեղծելու դեպքի վերաբերյալ։
