07.10.2026 | 10:15
Հայաստանի ներկայացուցիչները ադրբեջանցի և միջազգային փորձագետների հետ Լոնդոնում մասնակցել են աշխատաժողովի
Պուտինը նշել է Ուկրաինայի հետ բանակցություններ սկսելու պայմանները
Քաղաքականություն
14.06.2024 | 15:50
Ուկրաինական զորքերը պետք է ամբողջությամբ դուրս բերվեն Լուգանսկի, Դոնեցկի, Խերսոնի և Զապորոժիեի շրջաններից։ Այդ ժամանակ Ռուսաստանը պատրաստ կլինի բանակցությունների։ Հրադադարի հաստատման ու բանակցությունների նման առաջարկով է հանդես եկել ՌԴ նախագահ Վլադիմիր Պուտինը, գրում է ՌԲԿ-ն։
«Ուշադրություն եմ հրավիրում՝ այդ շրջանների բոլոր տարածքների մասով դրանց վարչական սահմաններում, որոնք գոյություն ունեին Ուկրաինա մտնելու ժամանակ։ Հենց Կիևը հայտարարի, որ պատրաստ է նման որոշման և սկսի զորքերի իրական դուրսբերում այս շրջաններից, ինչպես նաև պաշտոնապես կտեղեկացնի ՆԱՏՕ-ին միանալուց հրաժարվելու մասին, մեր կողմից անմիջապես, հենց այդ պահին կհետևի հրադադարի և բանակցություններ սկսելու հրաման»,- հայտարարել է Պուտինը։
Նա ընդգծել է, որ Ռուսաստանը « դա կանի անհապաղ»։
Միաժամանակ, ըստ նրա, Ռուսաստանը երաշխավորում է ուկրաինական ստորաբաժանումների ու կազմավորումների անարգել ու անվտանգ դուրսբերումը։
Պուտինը նշել է, թե Մոսկվան պատրաստ է «նույնիսկ վաղը» նստել բանակցությունների սեղանի շուրջ։
