29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Էրդողանը մեկնել է Իտալիա՝ մասնակցելու G7-ի առաջնորդների գագաթնաժողովին
Քաղաքականություն
14.06.2024 | 14:33
Թուրքիայի նախագահ Ռեջեփ Թայիփ Էրդողանը մեկնել է Իստալիա՝ մասնակցելու G7-ի երկրների ղեկավարների գագաթնաժողովին, գրում են թուրքական լրատվամիջոցները։
Էրդողանի հետ Իտալիա են մեկնել կինը՝ Էմինե Էրդողանը, նախագահի անվտանգության և արտաքին քաղաքականության գծով գլխավոր խորհրդական Աքիֆ Չաղաթայ Քըլըչը և նախագահի աշխատակազմի հաղորդակցությունների վարչության փոխնախագահ Չաղաթայ Օզդեմիրը։
Էրդողանը մասնակցելու է Աֆրիկայի և Միջերկրական ծովի, արհեստական բանականության և էներգիայի հարցերով բարձր մակարդակի նիստին, որը տեղի կունենա Իտալիայում G7-ի առաջնորդների գագաթնաժողովի շրջանակում։ Նա նաև կանցկացնի մի շարք երկկողմ հանդիպումներ, կմասնակցի մշակութային միջոցառումների և ոչ պաշտոնական ընթրիքին։
Նշվում է, որ Էրդողանի ելույթի օրակարգում լինելու է Գազայում իրավիճակը։ Նա խոսելու է «Գազայում մշտական հրադադարի ապահովման համար Թուրքիայի կողմից ցուցաբերվող դիվանագիտության և մարդասիրական օգնության մասին և ուշադրություն է հրավիրելու, թե ինչպես է աշխարհը 8 ամիս շարունակ լռում Գազայում Իսրայելի կողմից իրականացված ջարդի մասին»։
