24.06.2026 | 12:10
Ավետիք Չալաբյանը ձերբակալվել է // Պապոյանը ԵՄ դեսպանների հետ արտահանման հարցեր է քննարկել․ ԼՈՒՐԵՐ
ՌԴ ՊՆ-ն հայտնել է անօդաչուների խոշոր գրոհի մասին
Քաղաքականություն
14.06.2024 | 12:14
Ռուսաստանի Դաշնության վեց շրջաններում հինգշաբթի լույս ուրբաթ գիշերը ոչնչացվել է 87 ուկրաինական անօդաչու թռչող սարք, հայտնում է ՌԴ ՊՆ-ն, գրում է BBC-ի ռուսական ծառայությունը։
Գերատեսչության տվյալներով՝ 70 անօդաչու թռչող սարք է խոցվել Ռոստովի շրջանի, 2-ը՝ Բելգորոդի, 2-ը՝ Վոլգոգրադի, 6-ը՝ Վորոնեժի, 6-ը՝ Կուրսկի շրջանում և 1-ը՝ բռնակցված Ղրիմում։
Միևնույն ժամանակ, Ռոստովի մարզի բնակիչները հայտնում են, որ Մորոզովսկի ռազմական օդանավակայանի տարածքում լսել են մինչև 30 պայթյուն, վայրերից մեկում գետնի կրակ է երևացել։
Իսկ Վորոնեժի շրջանի ղեկավար Ալեքսանդր Գուսևը հայտնել է Լիսկինսկի շրջանում նավթի պահեստի վրա հարձակման մասին։ Նրա խոսքով՝մի քանի անօդաչու թռչող սարքեր թեթևակի վնասել են վառելիքի բաքերը, հետևանքների վերացումը շարունակվում է։
