07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
Թուրքիայում ահաբեկչության մեղադրանքով 6 քուրդ քաղաքական գործիչ է կալանավորվել
Քաղաքականություն
14.06.2024 | 11:50
Թուրքական դատարանը կալանավորել է 6 քաղաքական գործիչների՝ հիմնականում քրդաբնակ Դիարբեքիր նահանգի նախկին քաղաքապետերին ու նրանց տեղակալներին, որոնք հունիսի 8-ին ձերբակալվել էին երկրում քուրդ քաղաքական գործիչների դեմ շարունակվող բռնաճնշումների շրջանակում, գրում է Turkish Minute-ը։
Քաղաքական գործիչները, որոնք ձերբակալվել էին Դիարբեքիրում և նրա շրջաններում տեղի գլխավոր դատախազության կողմից սկսված հետաքննության շրջանակում, կալանավորվել են Դիարբեքիրի դատարանում իրենց հայտարարություններից հետո: Նրանց թվում են Էրգանի շրջանի նախկին համաքաղաքապետ Ահմեթ Քայան, նախկին համաքաղաքապետեր Ռամազան Քարթալմըշը և Ֆեսիհ Յալչընը, փոխքաղաքապետեր Գյուլիստան Փոլաթը, Էսվեր Մալքոչը և Ջավիդան Յամանը։ Նրանք մեղադրվում են «ահաբեկչական կազմակերպությանն անդամակցելու» մեջ՝ ցույցերի, մունիցիպալ ակտիվության և այլ միջոցառումների պատճառով, որոնց մասնակցել են 2014-2019 թվականներին։
Չնայած ահաբեկչական կազմակերպության անունը սովորաբար չի նշվում, սակայն Թուրքիայում քուրդ քաղաքական գործիչները հաճախ են մեղադրվում Քուրդիստանի աշխատավորական կուսակցության հետ (PKK) ենթադրյալ կապերի համար։
Սա տեղի է ունեցել այն բանից հետո, երբ անցյալ շաբաթ ՆԳՆ-ն հայտարարել էր, որ Հաքքարիի նախկին համաքաղաքապետ Մեհմեթ Սիդդըք Աքըշին հեռացրել է քրդամետ Ժողովուրդների հավասարություն և ժողովրդավարություն կուսակցությունում (DEM Party) պաշտոնից՝ շարունակվող հետաքննության և ահաբեկչության հետ կապված մեղադրանքներով:
Թուրքական դատարանը քրդամետ DEM կուսակցության քաղաքապետին դատապարտել է 19 տարի 6 ամիս ժամկետով ազատազրկման՝ «զինյալների հետ կապերի» համար։
Քաղաքապետին փոխարինել է Հաքքարիի նահանգապետ Ալի Չելիքը։ Այս քայլն արժանացել է լայնածավալ քննադատության և բողոքի՝ «հակաժողովրդավարական» լինելու և քուրդ ժողովրդի կամքը «գողանալու» համար:
Էմմա Չոբանյան
