07.10.2026 | 20:10
«Գոնե իշմար տվեք՝ իմանանք»․ Փաշինյանի ժեստը ծիծաղ առաջացրեց ԱԺ դահլիճում. ՏԵՍԱՆՅՈՒԹ
Վրաստանում հայտարարել են, որ շուտով կավարտեն ԵՄ-ին անդամակցելու համար առաջարկությունների իրականացման ուղղությամբ աշխատանքը
Քաղաքականություն
13.06.2024 | 16:32
Իշխող «Վրացական երազանք-Ժողովրդավարական Վրաստան» կուսակցության գլխավոր քարտուղար, Թբիլիսիի քաղաքապետ Կախա Կալաձեն հայտարարել է, որ Վրաստանը մի քանի օրից կավարտի Եվրամիության կողմից սահմանված բոլոր ինը հանձնարարականների ուղղությամբ աշխատանքը՝ կազմակերպությանն անդամակցելու շուրջ բանակցությունները սկսելու համար։
«Մեր երկիրն ունի ինը կետից բաղկացած գործողությունների ծրագիր, որն ամբողջությամբ կիրականացվի մի քանի օրից։ Իհարկե, իշխանությունները կանեն ամեն ինչ, որպեսզի սկսվեն բանակցությունները (ԵՄ-ին անդամակցելու վերաբերյալ): Վիճակագրական տվյալներով՝ մենք առաջ ենք բոլոր երկրներից՝ Ուկրաինայից ու Մոլդովայից»,- լրագրողներին ասել է Կալաձեն։
2023 թվականի նոյեմբերի 8-ին Եվրահանձնաժողովն առաջարկել է Եվրամիության խորհրդին բանակցություններ սկսել Բոսնիա և Հերցեգովինայի, Մոլդովայի և Ուկրաինայի հետ միությանն անդամակցելու վերաբերյալ, ինչպես նաև Վրաստանին տրամադրել անդամակցության թեկնածուի կարգավիճակ: Եվրահանձնաժողովի զեկույցում ասվում է, որ այն առաջարկում է Վրաստանին թեկնածուի կարգավիճակ տրամադրել՝ պայմանով, որ ավարտվեն ինը քայլերը, ներառյալ՝ բարեփոխումները տարբեր ոլորտներում:
2023 թվականի դեկտեմբերի վերջին Վրաստանի կառավարությունը հրապարակեց ԵՄ հանձնարարականների իրականացման գործողությունների ծրագիր։ Դրա համաձայն՝ իշխանությունները, մասնավորապես, կսկսեն աշխատել ապատեղեկատվության դեմ պայքարի և հանրապետության արտաքին քաղաքականության՝ ԵՄ ընդհանուր քաղաքականության հետ սերտաճման տեմպերի բարելավման ուղղությամբ։ Նաև 2024 թվականին իշխանությունները կփորձեն շարունակել աշխատանքը քաղաքական բևեռացումը նվազեցնելու ուղղությամբ։ 2024 թվականի հոկտեմբերին կառավարությունը խոստանում է անցկացնել արդար և թափանցիկ խորհրդարանական ընտրություններ, ինչը նաև ԵՄ հանձնարարականներից է։
