07.10.2026 | 22:05
Վրաստանի կրթության, գիտության և երիտասարդության նախարարի հետ քննարկվել են համագործակցության հեռանկարները
Մեծ Բրիտանիան ակնկալում է, որ Ադրբեջանի և Հայաստանի միջև խաղաղություն կհաստատվի մինչև COP29-ը
Քաղաքականություն
13.06.2024 | 14:51
Բաքվում նախանշված COP29-ի թեման հունիսի 12-ին Մեծ Բրիտանիայի դեսպան Ֆերգյուս Օլդի ելույթի առանցքն է եղել Չարլզ III թագավորի ծննդյան օրվա կապակցությամբ կազմակերպված ընդունելության ժամանակ, գրում են ադրբեջանական լրատվամիջոցները։
Նշվում է, որ նա անդրադարձել է նաև Հայաստան-Ադրբեջան կարգավորման գործընթացին։
«Վեց ամիս առաջ Բաքվում COP29-ի անցկացման պայմանավորվածությունը դրական ազդանշան էր կլիմայի փոփոխության դեմ պայքարում և տարածաշրջանում խաղաղության համար։ Հուսով եմ, որ և՛ Ադրբեջանը, և՛ Հայաստանը կշարունակեն անել հնարավոր ամեն բան՝ մինչև COP29-ը կայուն խաղաղության հասնելու համար»,- ասել է դեսպանը։
Հիշեցնենք, որ այս տարի մարտին էլ Բաքվի Գլոբալ ֆորումի մասնակիցներին ուղղված նամակում Բրիտանիայի վարչապետ Ռիշի Սունակը հույս էր հայտնել, որ խաղաղության համաձայնագիրը կստորագրվի մինչև նոյեմբեր, երբ Բաքվում անցկացվելու է COP29-ը։
«Ներկայում կա պատմական հնարավորություն՝ Հայաստանի հետ հակամարտությունը վերջ տալու համար։ Հուսով ենք, որ խաղաղության համաձայնագիրը կստորագրվի մինչև այս տարվա նոյեմբեր»,- ասված էր ուղերձում։
Էմմա Չոբանյան
