09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Մոսկվայի բորսան դադարեցրել է դոլարի և եվրոյի առևտուրը ԱՄՆ պատժամիջոցներից հետո
Քաղաքականություն
13.06.2024 | 13:25
Մոսկվայի բորսան հունիսի 13-ից կդադարեցնի դոլարով և եվրոյով առևտուրը։ Այս մասին հաղորդագրություն է հրապարակվել հունիսի 12-ին՝ բորսայի պաշտոնական կայքում։ Թանկարժեք մետաղների և արժեթղթերի շուկաներում նույնպես կդադարեցվի ամերիկյան ու եվրոպական արժույթներով առևտուրը, գրում է DW-ի ռուսական ծառայությունը։
Ժամեր առաջ ԱՄՆ Ֆինանսների նախարարությունը հայտարարել է պատժամիջոցների նոր փաթեթի մասին այն անձանց և ընկերությունների դեմ, որոնք կապված են Ուկրաինայի դեմ Ռուսաստանի պատերազմի հետ։
Ցուցակում ընդգրկվել է 33 անձ և շուրջ 300 ընկերություններ ու կազմակերպություններ, որոնք գրանցված են Ռուսաստանում, Չինաստանում, Թուրքիայում, Ղազախստանում, Ղրղզստանում, Բուլղարիայում, Սերբիայում, ԱՄԷ-ում, Բելառուսում, ինչպես նաև Բրիտանական Վիրջինյան կղզիներում։
Ի թիվս այլնի՝ սահմանափակումների են ենթարկվել Մոսկվայի բորսան, Ազգային քլիրինգային կենտրոնը (NCC) և Ռուսաստանի Դաշնության Ազգային հաշվարկային դեպոզիտարիան:
