Ռոբերտ Քոչարյանի պաշտպանները բողոք կներկայացնեն Վճռաբեկ դատարան

ՀՀ երկրորդ նախագահ Ռոբերտ Քոչարյանի պաշտպանականը թիմն այսօր կամ վաղը բողոք է ներկայացնելու Վճռաբեկ դատարան: Այս մասին այսօր Factor.am-ի հետ զրույցում ասաց 2-րդ նախագահի պաշտպան Հայկ Ալումյանը:

«Մի քանի տեխնիկական խնդիրներ կան, դրանք շտկելուց հետո հնարավոր է բողոքը ներկայացվի նաև  այսօր, եթե չհասցնենք՝ վաղն անպայման, քանի որ վաղը վերջնաժամկետն է»,- ասաց պաշտպանը:

Ըստ պաշտպանի՝ բողոքի նպատակն է Վերաքննիչ դատարանում ներկայացրած հիմնավորումներից մի քանիսը Վճռաբեկում քննարկման առարկա դարձնելը:

Հիշեցնենք, որ   ՀՀ գլխավոր դատախազությունը օգոստոսի 20-ին բողոք էր ներկայացնել Վճռաբեկ դատարան` ՀՀ երկրորդ նախագահ Ռոբերտ Քոչարյանին կալանքից ազատ արձակելու ՀՀ վերաքննիչ դատարանի որոշման դեմ:

Նշենք նաև, որ Ռոբերտ Քոչարյանը 2008 թվականի «Մարտի 1-ի» քրեական գործով մեղադրվում է սահմանադրական կարգը տապալելու մեջ:

ՀՀ վերաքննիչ քրեական դատարանի կողմից բավարարվել էր ՀՀ երկրորդ նախագահ Ռոբերտ Քոչարյանի նկատմամբ կալանքը որպես խափանման միջոց կիրառելու Առաջին ատյանի դատարանի որոշման դեմ պաշտպանների բողոքը` հաշվի առնելով այն, որ ՀՀ երկրորդ նախագահ Ռոբերտ Քոչարյանն անձեռնմխելի է:

Հատուկ քննչական ծառայությունը հայտնել էր, որ ՀՀ վերաքննիչ քրեական դատարանի կողմից ՀՀ երկրորդ նախագահ Ռոբերտ Քոչարյանի նկատմամբ կիրառված կալանքի որոշման վերացումն ապօրինի է, իսկ ՀՀ գլխավոր դատախազությունից նշել էին, որ Վերաքննիչ քրեական դատարանի ամբողջական որոշումը ստանալուն պես կքննարկեն Վճռաբեկ դատարան դիմելու հնարավորությունը:

Աղավնի Սուքիասյան