23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
ՄԱԿ-ը Իսրայելի պաշտպանության բանակն ու ՀԱՄԱՍ-ը ներառել է սև ցուցակում
Քաղաքականություն
12.06.2024 | 18:45
ՄԱԿ-ի գլխավոր քարտուղարն Իսրայելի պաշտպանության բանակն ու պաղեստինյան ՀԱՄԱՍ խբավորումը ներառել է երեխաներին բռնություն գործադրողների ամենամյա սև ցուցակում, գրում է VOA-ն:
«Ես ապշած եմ Գազայի հատվածում, Իսրայելում և գրավյալ Արևմտյան ափին, ներառյալ՝ Արևելյան Երուսաղեմում երեխաների նկատմամբ կոպիտ խախտումների կտրուկ աճով, աննախադեպ մասշտաբով և ինտենսիվությամբ»,- ասել է Անտոնիո Գուտերեշը Անվտանգության խորհրդի անդամներին ուղարկված, բայց դեռևս չհրապարակված զեկույցում:
Երեխաների և զինված հակամարտությունների մասին ՄԱԿ-ի ամենամյա զեկույցը նշում և դատապարտում է նրանց, որոնք հավաքագրում, սպանում, խեղում կամ առևանգում են երեխաներին, սեռական բռնություն են գործադրում նրանց նկատմամբ և հարձակվում են դպրոցների ու հիվանդանոցների վրա:
