02.06.2026 | 21:43
Խուդաթյանը մասնակցել է «Բաքու-Թբիլիսի-Կարս» երկաթուղու ամբողջական գործարկման պաշտոնական բացման արարողությանը
Ռուսական ուժերը սահմանափակ առաջխաղացման են հասել Չասովոյ Յարում․ բրիտանական հետախուզություն
Քաղաքականություն
12.06.2024 | 16:28
Ռուսական բանակը, ամենայն հավանականությամբ, գրավել է Իվանովսկոյե գյուղը, որը գտնվում է Չասով Յարից հարավ, հայտնում են բրիտանացի զինվորականները։ BBC-ի ռուսական ծառայության փոխանցմամբ՝ քաղաքային բնակավայրերում ծանր մարտերը շարունակվում են։
Միաժամանակ, ըստ բրիտանական հետախուզության զեկույցի, ռուսական զորքերը, ամենայն հավանականությամբ, կմնան ջրանցքի արևելյան կողմում, որն անցնում է Չասով Յարով և ծառայում է որպես հարձակման խոչընդոտ։
Բրիտանական ռազմական հետախուզությունը նշում է, որ ռուսական բանակն օգտագործում է հետևակային ստորաբաժանումներ Չասով Յարում հարձակման համար, որոնց կորուստները շարունակում են բարձր մնալ։
Ուկրաինայի զինված ուժերն էլ հայտնում են, որ բնակեցված տարածքը ենթարկվում է հրետանային հարվածների, այդ թվում՝ ջերմային զինամթերքի օգտագործմամբ։
«Չասով Յարը, ամենայն հավանականությամբ, կարևոր թիրախ կլինի Ռուսաստանի համար՝ սարահարթում նրա ռազմավարական դիրքի, ինչպես նաև Ուկրաինայի զինված ուժերի համար որպես նյութատեխնիկական ապահովման հանգույց նախկինում օգտագործվելու պատճառով»,- նշում են զեկույցի հեղինակները:
