11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
ԱՄՆ-ը պատրաստվում է Կիևին ևս մեկ Patriot համակարգ մատակարարել NYT
Քաղաքականություն
12.06.2024 | 17:56
Ռուսաստանի օդային հարվածներից Ուկրաինայի պաշտպանությունն ուժեղացնելու համար ԱՄՆ նախագահ Ջո Բայդենը ցանկանում է Կիևին տրամադրել ևս մեկ Patriot հակաօդային պաշտպանության համակարգ։ The New York Times-ը (NYT), վկայակոչելով ԱՄՆ վարչակազմի աղբյուրները, գրում է, որ Սպիտակ տան ղեկավարն այս որոշումն ընդունել է անցած շաբաթ՝ բարձրաստիճան պաշտոնյաների հետ մի շարք հանդիպումներից հետո։
Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին հրաժարվել է հաստատել այս տեղեկությունը։
Ըստ NYT-ի՝ փոխանցվելիք Patriot համակարգն այժմ գտնվում է Լեհաստանում և առաջիկա օրերին կարող է տեղակայվել Ուկրաինայի ճակատում։ Սա կլինի երկրորդ նման հակաօդային պաշտպանության համակարգը, որը Միացյալ Նահանգները կտրամադրի Ուկրաինային։
Բայդենն առաջին համակարգի առաքմանը հավանություն է տվել մեկուկես տարի առաջ, երբ Ուկրաինայի նախագահ Վլադիմիր Զելենսկին իր առաջին ուղևորությունը կատարեց ԱՄՆ՝ ռուսական լայնածավալ ներխուժման սկզբից ի վեր և ելույթ ունեցավ Կոնգրեսում։ Վաշինգտոնը նաև պարբերաբար Patriot հրթիռներ է մատակարարում Ուկրաինային։
