11.08.2026 | 10:51
Զապորոժիեում գիշերային հարվածների հետևանքով զոհերի թիվը հասել է 6-ի
«Հըզբոլլահ»-ն ավելի քան 100 հրթիռ է արձակել հյուսիսային Իսրայելի ուղղությամբ
Քաղաքականություն
12.06.2024 | 14:52
Լիբանանյան «Հըզբոլլահ» շարժումը հրթիռակոծել է Իսրայելի հյուսիսը, հայտնել են իսրայելական զինվորականներն ու լրատվամիջոցները: Օդային հարձակման նախազգուշացումը հնչել է Գալիլեայի բազմաթիվ բնակավայրերում, այդ թվում՝ Սաֆեդ և Տիբերիա քաղաքներում, գրում է DW-ի ռուսական ծառայությունը։
The Times of Israel-ը, վկայակոչելով Իսրայելի պաշտպանության բանակին, պարզաբանում է, որ Լիբանանի տարածքից Իսրայելի հյուսիսային շրջանների ուղղությամբ արձակվել է առնվազն հարյուր հրթիռ։ Սա «Հըզբոլլահ»-ի կողմից իրականացված ամենախոշոր հարձակումներից մեկն է 2023 թվականի հոկտեմբերին «ՀԱՄԱՍ» ահաբեկչական խմբավորման դեմ Իսրայելի պատերազմի մեկնարկից ի վեր։
Իսրայելական բանակի տվյալներով՝ Լիբանանից արձակված շուրջ 90 հրթիռ հատել է երկրի օդային տարածքը, մի քանիսը որսացել են, մնացածն ընկել են մի քանի վայրերում՝ հրդեհների բռնկման պատճառ դառնալով։
Հարձակման հետևանքով զոհերի և վիրավորների մասին տեղեկություններ չկան։
Իսրայելի կառավարության խոսնակ Էյլոն Լևին X սոցիալական ցանցում տեսանյութ է հրապարակել, որում երևում է, որ Իսրայելի հակաօդային պաշտպանությունը հրթիռներ է որսում երկնքում:
