07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
«Ռոսկոմնադզոր»-ը դիտարկում է ռուսների արտասահմանյան զանգերն արգելափակելու հնարավորությունը
Քաղաքականություն
12.06.2024 | 14:12
«Ռոսկոմնադզոր»-ը դիտարկում է ռուսների արտասահմանյան զանգերն արգելափակելու հնարավորությունը: Այս միջոցը պետք է պաշտպանի բաժանորդներին օտարերկրյա խաբեբաներից, քանի որ ներկայում արձանագրվում է ֆիշինգ զանգերի բազմակի աճ, այդ թվում՝ Ուկրաինայից, «Իզվեստիա»-ին հայտնել են գերատեսչությունից:
Սրա հետ մեկտեղ, եթե արգելափակում սահմանվի, բաժանորդներին կտրվի ընտրություն՝ ընդունել կամ չստանալ զանգեր արտերկրից, պաշտպանվել այլ երկրներից եկող բոլոր զանգերից կամ կոնտակտային ցուցակից շփվել արտերկրում ապրող բաժանորդների հետ։
Արտերկրից սփամ-զանգերի արգելափակումը կարող է դժվարություններ ստեղծել ԱՊՀ երկրների, Ասիայի և Աֆրիկայի կազմակերպությունների հետ աշխատող բիզնեսների համար, նշել է R-Vision տեղեկատվական անվտանգության խորհրդատու Ալեքսանդր Չեռնենկոն։
Նաև, ըստ նրա, պարզ չէ՝ ինչպես կգործի «Ռոսկոմնադզոր»-ի արգելափակումը մեսենջերների միջոցով զանգերի դեպքում։ Բացի այդ, դժվարություններ կարող են առաջանալ օտարերկրյա ծառայություններում և հավելվածներում գրանցվելու հետ կապված, ինչպիսին է Telegram-ը, որտեղ գրանցումը հաստատելու համար անհրաժեշտ է զանգ ստանել օտարերկրյա հեռախոսահամարից, հավելել է փորձագետը։
