09.09.2026 | 20:47
Ծովինար Վարդանյանը հրաժարվել է ինձ ընդունել, դիմել եմ դատարան. Էդգար Ղազարյան. ՏԵՍԱՆՅՈՒԹ
Ռուս խաղաղապահները հեռացել են Իվանյանից
Քաղաքականություն
12.06.2024 | 12:15
Արցախում Իվանյանի օդանավակայանում տեղի է ունեցել ռուսական խաղաղապահ զորախմբի առաքելության ավարտին նվիրված արարողություն է տեղի ունեցել։ Ադրբեջանական լրատվամիջոցները հրապարակած տեսանյութում երևում է, որ ռուս խաղաղապահների ռազմական տեխնիկան արարողության ավարտից հետո լքում է շրջանը։
Նշենք, որ Իվանյան բնակավայրում տեղակայված էր ռուս խաղաղապահ զորախմբի հրամանատարության շտաբը։
Նախօրեին էլ ադրբեջանական աղբյուրները հայտնել էին, որ խաղաղապահ զորակազմի տեխնիկան ուղարկվել է Սիտալչայ բնակավայրից։
Հիշեցնենք՝ ապրիլի 16-ի երեկոյան ադրբեջանական լրատվամիջոցները հայտնել էին, որ հայկական Դադիվանք վանական համալիրի պաշտպանությունը ռուս խաղաղապահները փոխանցել են ադրբեջանական ոստիկանությանը։ Դրանից հետո սկսեցին տարածվել ռուս խաղաղապահների տեխնիկայի շարասյուների տեղաշարժի տեսանյութեր։ Ավելի ուշ պաշտոնական Բաքուն ու Մոսկվան հաստատեցին, որ սկսվել է Արցախից ռուս խաղաղապահների վաղաժամ դուրսբերման գործընթացը։ Ապրիլի 22-ին էլ Ադրբեջանի նախագահ Իլհամ Ալիևը մեկնել էր ՌԴ՝ նախագահ Վլադիմիր Պուտինի հետ բանակցությունների։ Այցից հետո Ալիևը հայտարարել էր, որ Արցախից ռուս խաղաղապահների վաղաժամ դուրսբերման որոշումը կայացվել է Պուտինի հետ համատեղ։
Ի սկզբանե հաղորդվում էր, որ ռուս խաղաղապահ զորախմբի անձնակազմի և տեխնիկայի դուրսբերումը կտևի մինչև մայիսի վերջ։
Էմմա Չոբանյան
