21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
Հուլիսին Ուկրաինան կստանա ռուսական սառեցված ակտիվներից առաջին 1,5 միլիարդ եվրո. Եվրահանձնաժողով
Քաղաքականություն
11.06.2024 | 21:57
Ռուսական սառեցված ակտիվներից ստացված առաջին 1,5 միլիարդ եվրոյի եկամուտն Ուկրաինային կփոխանցվի արդեն հուլիսին, հայտարարել է Եվրահանձնաժողովի ղեկավար Ուրսուլա ֆոն դեր Լեյենը Ուկրաինայի վերականգնմանը նվիրված Բեռլինի համաժողովում, փոխանցում է BBC-ի ռուսական ծառայությունը։
«Մոտավորապես 1,5 միլիարդ եվրո ակտիվների եկամուտը հասանելի կդառնա հուլիսին: Դրանց 90%-ը գնալու է պաշտպանությանը, 10%-ը՝ վերականգնմանը»,- ֆոն դեր Լեյենի խոսքերն է մեջբերում «Ինտերֆաքս-Ուկրաինան»։
Եվրահանձնաժողովի ղեկավարը նաև ասել է, որ այս շաբաթ G7-ի գագաթնաժողովում կքննարկեն, թե «ինչպես Ուկրաինան կարող է ավելի արագ ստանալ ռուսական սառեցված ակտիվներից ավելի շատ օգուտներ»։
