29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Գերմանիայի ԱԳ նախարարի հետ հանդիպմանը Բայրամովը խոսել է ՀՀ Սահմանադրության՝ «խաղաղության համաձայնագրի ստորագրմանը խոչընդոտ լինելու մասին»
Քաղաքականություն
11.06.2024 | 17:21
Բեռլին կատարած աշխատանքային այցի ընթացքում Ադրբեջանի ԱԳ նախարար Ջեյհուն Բայրամովը հանդիպել է Գերմանիայի իր պաշտոնակից Աննալենա Բերբոքին։ Ադրբեջանի ԱԳՆ-ի հաղորդմամբ՝ հանդիպմանը նախարարները նշել են, որ մեծ նշանակություն են տալիս ադրբեջանա-գերմանական հարաբերություններին և շահագրգռված են հետագա համագործակցության ընդլայնմամբ։
Հանդիպմանն նշվել է, որ այս տարի Ադրբեջանը գերմանական կողմի հետ համագործակցության լրացուցիչ հնարավորություններ ունի ՄԱԿ-ի Կլիմայի փոփոխության շրջանակային կոնվենցիայի (COP29) Կողմերի համաժողովի 29-րդ նստաշրջանի շրջանակում։
«Խոսելով հետհակամարտային շրջանում տարածաշրջանում առկա իրավիճակի և իրողությունների, Ադրբեջանի և Հայաստանի միջև հարաբերությունների կարգավորման գործընթացի մասին՝ Բայրամովը մատնանշել է խաղաղ գործընթացում առկա խնդիրներն ու հնարավորությունները։ Այս համատեքստում նշվել է, որ Հայաստանի Սահմանադրության մեջ Ադրբեջանի տարածքային ամբողջականության շարունակական պահանջը խոչընդոտ է խաղաղության համաձայնագրի ստորագրմանը»,- ասվում է հաղորդագրությունում մեջ։
Քննարկվել են նաև երկկողմ հետաքրքրություն ներկայացնող տարածաշրջանային այլ հարցեր։
