14.12.2025 | 11:41
Ապարանի համայնքապետարանը՝ քամու պատճառած վնասների մասին
Հունաստանում անոմալ շոգ եղանակի պատճառով մանկապարտեզներն ու դպրոցները փակվել են
Քաղաքականություն
11.06.2024 | 22:29
Չափազանց շոգ եղանակ է հաստատվել Հունաստանի մեծ մասում, ստվերում ջերմաստիճանը հասել է 43 աստիճանի։ Իշխանությունները կանխարգելիչ նպատակներով փակել են մանկապարտեզներն ու դպրոցները, ընկերությունների և ձեռնարկությունների աշխատակիցներին խորհուրդ է տրվել, հնարավորության դեպքում, աշխատել հեռակա, գրում է Greek reporter-ը։
Այս ամռան առաջին շոգ ալիքի կապակցությամբ Առողջապահության նախարարությունը տեսակոնֆերանսի միջոցով խորհրդակցություն է անցկացրել՝ բուժհաստատություններին և շտապօգնության ծառայություններին բարձր զգոնության կոչ անելով՝ ծայրահեղ բարձր ջերմաստիճանի հետևանքով առաջացող խնդիրներն արագ և արդյունավետ լուծելու համար։
Քաղաքացիական պաշտպանության գլխավոր քարտուղարությունն իր հերթին կոչ է արել բնակիչներին, հատկապես՝ խոցելի խմբերին, լինել զգույշ՝ խուսափելու առողջական խնդիրներից, այդ թվում՝ բարձր ջերմաստիճանի հետևանքով ջերմային հարվածներից։ Քարտուղարությունը հրապարակել է նաև հրդեհների ռիսկի քարտեզ, որի համաձայն՝ հունիսի 11-ին անտառային հրդեհների շատ բարձր ռիսկ է կանխատեսվում կենտրոնական Հունաստանի տարածաշրջանի, Ատտիկայի մայրաքաղաքային շրջանի և Պելոպոնես թերակղզու համար:
Ազգային օդերևութաբանական ծառայության արտակարգ տեղեկագրի համաձայն՝ Աթենքում հունիսի 11-ին ցերեկը ջերմաստիճանը կհասնի 40 աստիճանի, իսկ հունիսի 12-ին՝ 42 աստիճանի: Հունաստանի այլ շրջաններում սպասվում է 37-43 աստիճան տաքություն։ Նման շոգ եղանակը կպահպանվի մոտ 3 օր, այնուհետև ցերեկը ջերմաստիճանը կնվազի մինչև այս սեզոնի համար սովորական 34-35 աստիճանի:
