24.06.2026 | 07:58
ԱԱ-2026. Կոլումբիան հաղթեց ու նվաճեց փլեյ-օֆֆի ուղեգիր. ՏԵՍԱՆՅՈՒԹ
Մակրոնը բացառել է իր հրաժարականը՝ անկախ ընտրությունների արդյունքից
Քաղաքականություն
11.06.2024 | 16:25
Ֆրանսիայի նախագահ Էմանուել Մակրոնը հայտարարել է, որ չի հրաժարվի պետության ղեկավարի պաշտոնից՝ անկախ արտահերթ խորհրդարանական ընտրությունների արդյունքից։ Այս մասին հայտնում է Politico-ն:
Ֆրանսիայի առաջնորդին հարցրել են, թե ի՞նչ կլինի, եթե ծայրահեղ աջ «Ազգային միասնություն» (RN) կուսակցությունը պահանջի նրա հրաժարականը, եթե հաղթի խորհրդարանական ընտրություններում։ Մակրոնը պատասխանել է, որ այդ կուսակցությունը չէ, որ գրում է երկրի Սահմանադրությունը։
««Ազգային միասնությունը» չէ, որ գրում է Սահմանադրությունը, ոչ էլ դրա ոգին»,- ասել է նա Le Figaro Magazine-ին տված հարցազրույցում:
Նախագահն ընդգծել է, որ «օրենսդիր ինստիտուտների տեղը, ինչպես և նախագահի տեղը որոշված են»՝ անկախ ընտրությունների արդյունքներից։ Մակրոնի խոսքով՝ դա իր համար անձեռնմխելի է։
Ավելի վաղ Europe 1 ռադիոկայանը, վկայակոչելով իր աղբյուրներին, հայտնել էր, որ Ֆրանսիայի ղեկավարն իր շրջապատի հետ քննարկում է իր հրաժարականի հնարավորությունը՝ Ազգային ժողովի ընտրություններ նշանակելու ֆոնին։ Կիրակի Ֆրանսիայում կայացած Եվրախորհրդարանի ընտրություններում RN-ն զգալիորեն առաջ է անցել Մակրոնի կոալիցիայից՝ հավաքելով ձայների 31,36%-ը։
