2024թ․ Ադրբեջանն ու Վրաստանը նախատեսում են 21 համատեղ ռազմական միջոցառում․ Վրաստանի ՊՆ ղեկավարը Բաքվում է

Քաղաքականություն

10.06.2024 | 18:39

Լուրեր

12.01.2025 | 00:54

Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ

11.01.2025 | 22:52

Վարչապետը առաջնահերթ է համարում խաղաղության գործընթացը, թվայնացումը և կոռուպցիայի դեմ պայքարը. ՏԵՍԱՆՅՈՒԹ

11.01.2025 | 20:13

Կրակը Գլենդելից հեռու է. քաղաքապետը մանրամասներ է ներկայացրել

11.01.2025 | 20:08

Վերին Խոտանան գյուղում այրվել է մոտ 10 հա բուսածածկույթ

11.01.2025 | 19:09

Երկրաշարժ Սպիտակ քաղաքից 1 կմ հյուսիս

11.01.2025 | 19:00

Բառի բուն իմաստով մնացել ենք դրսում`լինելով միջազգային ճանաչման երգչախումբ, անթույլատրելի է. Հեքեքյան. ՏԵՍԱՆՅՈՒԹ

11.01.2025 | 18:00

Հայաստանի էներգետիկ անվտանգության գլխին կախված Դամոկլյան սուրը

11.01.2025 | 17:18

Մարգարա-Վանաձոր-Տաշիր ավտոճանապարհին բախվել են ավտոմեքենաներ․ կան տուժածներ

11.01.2025 | 16:59

Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան

11.01.2025 | 16:27

Որոշ շրջաններում ձյուն է սպասվում. առաջիկա օրերի եղանակի կանխատեսումը

11.01.2025 | 15:55

Նավթի գներն աճել են

11.01.2025 | 15:46

Վարչապետն այցելել է Գանձաքարի նորակառույց դպրոց. ՏԵՍԱՆՅՈՒԹ

11.01.2025 | 15:18

NYMEX. Թանկարժեք մետաղների գներն աճել են

11.01.2025 | 15:00

ՀՖՖ-ն ՈւԵՖԱ-ի համերաշխության վճարներ է բաշխել հայկական ակումբների միջև․ հայտնի է որքան են վաստակել ակումբները

11.01.2025 | 14:41

Տրանսպորտից օգտվելու տոմսային ինչպիսի փաթեթներ են առաջարկվում․ մանրամասնում է Երևանի քաղաքապետարանը

Բոլորը

Ադրբեջանի պաշտպանության նախարար Զաքիր Հասանովն ընդունել է պաշտոնական այցով Բաքվում գտնվող Վրաստանի պաշտպանության նախարար Իրակլի Չիկովանիին։ Հասանովն ասել է, որ «երկու ժողովուրդների միջև կա ավանդական բարեկամություն և փոխվստահություն», ընդգծել երկու պետությունների ղեկավարների ջերմ հարաբերությունների դրական ազդեցությունը համատեղ գործակցության վրա։

Հասանովը նաև նշել է, որ որ ռազմավարական գործընկերության հիման վրա Վրաստանի հետ հաստատված հարաբերությունները զարգանում են վերընթաց ուղղությամբ, և որ 2024 թվականին երկու երկրների միջև, ընդհանուր առմամբ, նախատեսվում է անցկացնել 21 համատեղ միջոցառում ռազմական ոլորտում։

Միաժամանակ, Զաքիր Հասանովը վրացի գործընկերոջը հրավիրել է այս տարվա սեպտեմբերին Բաքվում կայանալիք Ադրբեջանի 5-րդ միջազգային պաշտպանական «ADEX» ցուցահանդեսին։

Վրաստանի պաշտպանության նախարարն իր հերթին ասել է, որ «Ադրբեջանի տարածքային ամբողջականության վերականգնումը շատ կարևոր է Վրաստանի համար»։

Հանդիպմանն ընդգծվել է համատեղ զորավարժությունների ինտենսիվության ավելացման կարևորությունը։ Նշվել է, որ եռակողմ ձևաչափով անցկացվող «Eternity» համակարգչային աջակցությամբ հրամանատարաշտաբային և «Կովկասյան արծիվ» վարժանքները նպաստում են զինվորականների միջև բարեկամական հարաբերությունների զարգացմանը, նաև փորձի փոխանակման հնարավորություն են տալիս։ Կողմերը նաև վստահություն են հայտնել, որ Ադրբեջանի և Վրաստանի միջև պաշտպանական համագործակցությունը կնպաստի տարածաշրջանում խաղաղության և կայունության ապահովմանը։

Հանդիպմանը նախարարները քննարկել են ռազմական և ռազմաուսումնական ոլորտներում համագործակցության զարգացման հեռանկարները, տարածաշրջանային անվտանգության և փոխադարձ հետաքրքրություն ներկայացնող այլ հարցեր։

Հիշեցնենք, որ Ադրբեջանում շարունակվում են հունիսի 4-ից մեկնարկած «Կովկասյան արծիվ-2024» զորավարժությունները՝ ադրբեջանական, վրացական ու թուրքական հատուկ նշանակության ստորաբաժանումների մասնակցությամբ։

Էմմա Չոբանյան