29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Քանանին խոսել է Կապանում Իրանի գլխավոր հյուպատոսության գործունեության մասին
Քաղաքականություն
10.06.2024 | 18:10
Իրանի ԱԳՆ խոսնակ Նասեր Քանանին մամուլի ասուլիսի ժամանակ անդրադարձել է Թավրիզում Հայաստանի գլխավոր հյուպատոսության բացմանը, ինչպես նաև Կապանում Իրանի գլխավոր հյուպատոսության գործունեությանը։ Իրանցի պաշտոնյան նշել է, որ Իրանը և Հայաստանը ստորագրել են համաձայնագիր Թավրիզում և Կապանում գլխավոր հյուպատոսություններ փոխադարձ հիմունքներով բացելու համար, փոխանցում է IRNA-ն։
Քանանին հավելել է, որ Կապանում Իրանի գլխավոր հյուպատոսությունը բացվել է Հոսեյն Ամիր Աբդոլլահիանի՝ Հայաստան կատարած այցի ժամանակ, իսկ հայկական կողմն անհրաժեշտ նախապատրաստական աշխատանքներ է իրականացնում Թավրիզում գլխավոր հյուպատոսության բացման համար։
Խոսելով Իրան-Ադրբեջան սահմանին ամբարտակի կառուցման և Թեհրանում Ադրբեջանի դեսպանատան աշխատանքի վերսկսման մասին՝ Քանանին ասել է, որ ամբարտակի կառուցումն իրականացվում է երկու երկրների ջրային դիվանագիտության շրջանակում։
«Ինչ վերաբերում է Թեհրանում Ադրբեջանի դեսպանատան գործունեության վերսկսմանը, ապա որոշվել են գործունեության վերսկսման մոտավոր ժամկետները, և այդ գործողություններն իրականացվում են»,- ասել է Քանանին։
