09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Խաչատրյանի մրցույթի 2-րդ փուլում մասնակիցները կատարում են Մանսուրյանի ստեղծագործությունը
Մշակույթ
10.06.2024 | 15:17
Արամ Խաչատրյան տուն-թանգարանում այսօր շարունակվում է Խաչատրյանի անվան 20-րդ միջազգային մրցույթի երկրորդ փուլը․ տեղեկացնում են «Արամ Խաչատրյան» մշակութային հիմնադրամից։
Երկրորդ փուլում նախորդ փուլը հաղթահարած 12 ջութակահարները մենահամերգով ներկայանում են ժյուրիի առջև՝ առավելագույնը 60 րոպե տևողությամբ։ Երկրորդ փուլի ծրագրում ներառված են Ֆրանց Շուբերտի ստեղծագործություններից և Տիգրան Մանսուրյանի «Lamento» մենանվագ ջութակի համար ստեղծագործությունը։ Ջութակահարներն իրենց ընտրությամբ կատարում են ևս մեկ գործ‚ որը նպատակ ունի ցուցադրելու մասնակցի տեխնիկան և մեկնաբանման հմտությունները:
Հիշեցնենք‚ որ այս օրերին Երևանում անցկացվող Խաչատրյանի անվան միջազգային մրցույթը կազմակերպում է «Արամ Խաչատրյան» մշակութային հիմնադրամը։ Խաչատրյանի անվան միջազգային մրցույթը 2013 թվականից Ժնևում հիմնված Միջազգային երաժշտական մրցույթների համաշխարհային ֆեդերացիայի (WFIMC) անդամ է և գործում է ֆեդերացիայի սահմանած կանոններով։ Խաչատրյանի անվան մրցույթի գլխավոր աջակիցն է Երևանի քաղաքապետարանը։ Մրցույթն ավանդաբար կազմակերպվում է ՀՀ ԿԳՄՍ նախարարության աջակցությամբ։
