24.06.2026 | 05:04
ԱԱ-2026. Խորվաթիան տարավ առաջին հաղթանակը. ՏԵՍԱՆՅՈՒԹ
Ազովի ծովում ԱԹՍ-ները հարձակվել են ռուսական քարշանավի և բեռնանավի վրա
Քաղաքականություն
10.06.2024 | 13:06
Անօդաչու թռչող սարքերը հարձակվել են ռուսական «Ինժեներ Սմիրնով» քարշանավի վրա և Տագանրոգի ծոցում՝ «Սեկցիա-179» բեռնանավի վրա։ Այս մասին հայտնում են «Baza» և «Крымский ветер» տելեգրամ-ալիքները, որոնց վկայակոչում է Meduza-ն։
Baza-ի հաղորդմամբ՝ հունիսի 8-ի երեկոյան Մոսկվայի ժամանակով մոտավորապես 21:00-ին քարշանավի նավապետը հայտնել է, որ հարձակման հետևանքով նավը փոքր մի վնասվել է, անձնակազմի երկու անդամներ թեթև բեկորային վնասվածքներ են ստացել։
«Крымский ветер»-ն էլ նշում է, որ բեռնանավին հարվածը հասցվել է Մոսկվայի ժամանակով 19։22-ին։ Աղբյուրը պնդում է, որ այն Վոլգա-Դոն ջրանցքի երկայնքով անցնում էր Ազովի ծով, որից հետո նախատեսվում էր այն օգտագործել Ղրիմի կամուրջը պաշտպանելու համար։
Ըստ Baza-ի՝ հարձակումից հետո նավապետը որոշել է վերադառնալ Ռոստովի մարզի Ազովի նավահանգիստ։
