09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
Իսրայելի ընդդիմության առաջնորդ Բենի Գանցը լքել է Նեթանյահուի ռազմական կաբինետը
Քաղաքականություն
10.06.2024 | 12:41
Իսրայելի ընդդիմության առաջնորդ Բենի Գանցը, որը ՀԱՄԱՍ-ի հետ պատերազմ սկսելուց հետո միացել է արտակարգ ռազմական կաբինետին, հայտարարել է դրանից հեռանալու մասին՝ Գազայի հատվածի հետպատերազմյան ապագայի շուրջ վարչապետ Բենիամին Նեթանյահուի հետ տարաձայնությունների պատճառով, գրում է BBC-ի ռուսական ծառայությունը:
Թել Ավիվում հրավիրված ասուլիսում Գանցն ասել է, որ սա որոշում է, որն «ընդունել է ծանր սրտով»:
«Ցավոք, պարոն Նեթանյահուն մեզ խանգարում է հասնել իրական հաղթանակի, որը կարդարացներ շարունակվող ցավալի ճգնաժամը»,- ասել է նա։
Միաժամանակ, նա վարչապետին կոչ անելով նշանակել հաջորդ համընդհանուր ընտրությունների օրը, որում ակնկալվում է, որ Գանցը կլինի գլխավոր ֆավորիտներից մեկը։ Գանցը նաև հայտնել է, որ ոչ միայն ինքը, այլև իր «Ազգային միաբանություն» կուսակցության մյուս անդամները, որոնք ռազմական կաբինետում հինգ մանդատ ունեն, լքում են կառավարությունը։
Սա չի սպառնում Նեթանյահուի կառավարության կայունությանը. 120 տեղանոց Կնեսետում աջակողմյան, ծայրահեղ աջակողմյան և կրոնական կուսակցությունների իշխող կոալիցիան պահպանում է իր 64 ձայների մեծամասնությունը:
«Բենի, այժմ կառավարությունը թողնելու ժամանակը չէ, հիմա ուժերը միավորելու ժամանակն է»,- արձագանքելով Գանցին՝ X-ում գրել է Բենիամին Նեթանյահուն։
