02.06.2026 | 22:18
Հրդեհի ահազանգ Երևանում. դեպքի վայր է մեկնել 4 մարտական հաշվարկ
Բայդենը Զելենսկիի հետ հանդիպմանը հայտարարել է Կիևին 225 մլն դոլարի ռազմական օգնության փաթեթի մասին
Քաղաքականություն
07.06.2024 | 20:13
ԱՄՆ նախագահ Ջո Բայդենը հայտարարել է Ուկրաինային 225 մլն դոլարի ռազմական օգնության նոր փաթեթի մասին, գրում է BBC-ի ռուսական ծառայությունը։
CNN-ի տվյալներով՝ Բայդենն այս մասին հայտարարել է Փարիզում Ուկրաինայի նախագահ Վլադիմիր Զելենսկիի հետ հանդիպման ժամանակ՝ ներողություն խնդրելով այս տարվա սկզբին ԱՄՆ Կոնգրեսում Կիևին ամերիկյան օգնության փաթեթի ընդունման ձգձգումների համար։
«Ես ներողություն եմ խնդրում այդ շաբաթների շփոթության համար, քանի որ մենք խնդիրներ ունեինք ֆինանսական միջոցների ընդունման օրինագծի հետ կապված մի քանի շատ պահպանողական անդամների պատճառով, որոնք խոչընդոտում էին ընդունմանը, սակայն մենք մեր ուզածին հասանք»,- ասել է Բայդենը։
Ավելի վաղ ԶԼՄ-ները հայտնել էին, որ Վաշինգտոնը Կիևին կփոխանցի HIMARS-ի զինամթերք, հաուբիցներ, զրահամեքենաներ, պարեկային նավակներ, Javelin հակատանկային հրթիռային համակարգեր, AT-4 հակատանկային նռնականետեր և HAWK-ի հրթիռներ։
