07.10.2026 | 16:04
Ադրբեջանն Ուկրաինային հերթական մարդասիրական օգնությունն է ուղարկել
Վրաստանը կանաչ լույս չի ստացել՝ ԵՄ-ին անդամակցելու շուրջ բանակցություններ սկսելու համար. FT
Քաղաքականություն
07.06.2024 | 18:22
Հունիսին Եվրահանձնաժողովը նախատեսում է սկսել Ուկրաինայի և Մոլդովայի անդամակցության շուրջ բանակցությունները, մինչդեռ Վրաստանը «կանաչ լույս» չոի ստացել։ Պատճառը «ռուսական օրենքի» ընդունումն է, գրում է Financial Times-ը։
«Վրաստանը, որը վերջին շաբաթներին օրենք ընդունեց օտարերկրյա գործակալների մասին՝ չնայած Բրյուսելի նախազգուշացումներին, կանաչ լույս չստացավ։ Եվրահանձնաժողովը ուրբաթ կհայտարարի, որ Ուկրաինան արդեն բավարարել է հակակոռուպցիոն միջոցառումների, քաղաքական լոբբինգի սահմանափակումների, պաշտոնյաների ունեցվածքի հայտարարագրման կանոնների և փոքրամասնությունների լեզուների պաշտպանության մնացած չբավարարված չափանիշները»,- ասված է հոդվածում։
Ավելի վաղ ԵՄ երկրների շատ ներկայացուցիչներ հայտարարել էին, որ Վրաստանի կառավարությունն ընդունել է օրենք, որը չի համապատասխանում եվրոպական օրենսդրությանը, հետևաբար, ԵՄ-ին անդամակցելու բանակցությունները չեն սկսվի, քանի դեռ գործում է «Օտարերկրյա ազդեցության թափանցիկության մասին» օրենքը։
