07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
ՀՀ-ի սահմանը հատելով Ադրբեջանում հայտնված Չեխիայի քաղաքացին դատապարտվել է 1,5 տարվա ազատազրկման
Քաղաքականություն
07.06.2024 | 17:53
Ադրբեջանում ավարտվել է Չեխիայի քաղաքացի Դանիել Բաչայի դատավարությունը, որը Հայաստանի սահմանը հատելով՝ հայտնվել էր ադրբեջանական տարածքում, գրում են տեղական լրատվամիջոցները։
Շիրվանի վերաքննիչ դատարանը, դատավոր Էլչին Խասմամեդովի նախագահությամբ, որոշել է Չեխիայի քաղաքացուն դատապարտել 1 տարի 6 ամիս ժամկետով ազատազրկման։
Ադրբեջանական լրատվամիջոցները փետրվարի 3-ին տեղեկություններ էին տարածել, թե Հայաստանի հետ սահմանին Չեխիայի քաղաքացի է ձերբակալվել, որը փորձել է ապօրինի հատել սահմանը։ Վկայակոչելով իրազեկ աղբյուրին՝ ադրբեջանական մամուլը գրել էր, թե Չեխիայի քաղաքացին, իբր, «ներխուժել է Ադրբեջանի տարածք՝ շրջանցելով հայկական կողմի ականապատ գոտին»։
ՀՀ-ում Չեխիայի դեսպան Պետր Պիրունչիկն ասել էր, որ դեպքը ոչ մի առնչություն չունի Հայաստանում ԵՄ դիտորդական առաքելության որևէ անդամի հետ՝ ինչպես պնդում էին ադրբեջանական որոշ լրատվամիջոցներ։
«Մենք կարող ենք հաստատել Չեխիայի քաղաքացու ձերբակալումը»,- չեխական CTK լրատվականին ասել էր երկրի ԱԳՆ խոսնակ Մարիանա Վերներովան։
Էմմա Չոբանյան
