07.10.2026 | 22:19
Ադրբեջանական իշխանական ԶԼՄ-ն Թուրքիայի մասին կոշտ շեշտադրմամբ հրապարակում է արել՝ հարաբերությունների լարվածության ֆոնին
ԵՀ-ն հավանություն կտա Ուկրաինայի և Մոլդովայի հետ բանակցությունների մեկնարկին
Քաղաքականություն
07.06.2024 | 18:02
Եվրահանձնաժողովը խորհուրդ կտա հունիսին սկսել Ուկրաինայի և Մոլդովայի հետ ԵՄ անդամակցության բանակցությունները։ Այս մասին հայտնել է բրիտանական Financial Times-ը։
Երեք իրազեկ աղբյուրների փոխանցմամբ՝ ԵՀ-ն պնդում է, որ Ուկրաինայի և Մոլդովայի հետ անդամակցության պաշտոնական բանակցությունները սկսվեն այս ամիս՝ երկու երկրներին էլ դրական ազդանշան ուղարկելու համար։
Պարբերականի տվյալներով՝ Եվրահանձնաժողովն իր որոշումը կհրապարակի արդեն այսօր։ Մասնավորապես, նշվելու է, որ Ուկրաինան համապատասխանում է նախկինում չկատարված չափանիշներին, այդ թվում՝ հակակոռուպցիոն միջոցառումներին, քաղաքական լոբբինգի սահմանափակումներին, պետական պաշտոնյաների գույքի հայտարարագրման կանոններին և ազգային փոքրամասնությունների կողմից օգտագործվող լեզուների պաշտպանությանը։
Հանձնաժողովի հանձնարարականը պահանջում է Եվրամիության բոլոր 27 երկրների միաձայն որոշում: Սպասվում է, որ Հունգարիան դեմ կլինի դրան՝ Ուկրաինայում հունգարական փոքրամասնության իրավունքների ենթադրյալ խախտումների պատճառով:
Հուլիսի 1-ից Հունգարիան կստանձնի ԵՄ նախագահությունը։ Սա նրան լրացուցիչ լծակներ կտա: Ուստի ԵՄ-ում Բելգիայի նախագահությունը հույս ունի անդամակցության բանակցությունների առաջին փուլն անցկացնել հունիսի 25-ին:
