09.09.2026 | 22:51
«Tour of Armenia»-ն առաջին անգամ Հայաստանում․ սեպտեմբերի 10-ից ճանապարհներին սահմանափակումներ կլինեն
Իռլանդիայում բացվել են ընտրատեղամասերը. երկիրն ընտրում է Եվրախորհրդարանի իր անդամներին
Քաղաքականություն
07.06.2024 | 14:32
Իռլանդիայում կայանալիք եվրոպական ընտրություններին կարող են քվեարկել միայն Իռլանդիայի քաղաքացիները, իսկ տեղական ինքնակառավարման մարմինների ընտրություններում՝ բոլորը, ովքեր ապրում են Իռլանդիայում ավելի քան վեց ամիս, գրում է Euronews-ը:
Ընտրատեղամասերը բացվել են առավոտյան ժամը 7-ին և կփակվեն 22:00-ին: Իռլանդիան Եվրախորհրդարան կուղարկի 14 պատգամավորի, որոնք կներկայացնեն 720 տեղանոց պալատի 2%-ը։ Ընտրությունները կորոշեն նաև 949 քաղաքային և շրջանային խորհրդի տեղեր 31 մունիցիպալիտետներում, իսկ Լիմերիկի բնակիչներն առաջին անգամ կընտրեն իրենց քաղաքապետին:
Ռեկորդային թվով ծայրահեղ աջ թեկնածուներ են մասնակցում տեղական խորհուրդների և Եվրախորհրդարանի ընտրություններին, սակայն պարզ չէ, թե քանիսն են ընտրվելու կամ արդյո՞ք նրանք կմիանան Եվրոպայում ծայրահեղ աջերի սպասվող աճին:
Իշխող կոալիցիայի կուսակցությունները փորձել են չեզոքացնել սպառնալիքը՝ խստացնելով հռետորաբանությունն ու միջոցները միգրանտների ու ապաստան հայցողների դեմ։ Ծայրահեղ աջերը նաև որոշակի դիրք են կորցրել իրենց ձայնը բաժանող թեկնածուների թվի աճի պատճառով:
