23.11.2024 | 14:29
ՆԱՏՕ-ի ղեկավար Մարկ Ռյուտեն բանակցություններ է վարել Դոնալդ Թրամփի հետ
Բայդենը Զելենսկիի հետ հանդիպմանը կհայտարարի Ուկրաինային 225 միլիոն դոլարի ռազմական օգնության փաթեթի մասին
Քաղաքականություն
07.06.2024 | 13:14
ԱՄՆ նախագահ Ջո Բայդենն այսօր Փարիզում կհանդիպի Վլադիմիր Զելենսկիի հետ. երկու ղեկավարներն էլ մասնակցել են Նորմանդիայում դաշնակիցների վայրէջքի 80-ամյակին նվիրված Ֆրանսիայի տոնակատարություններին: Reuters-ի փոխանցմամբ՝ նախագահ Զելենսկիի հետ հանդիպման ժամանակ Բայդենը կհայտարարի Կիևին 225 միլիոն դոլար արժողությամբ ռազմական օգնության նոր փաթեթի մասին։
Պարբերականի աղբյուրների համաձայն՝ օգնության փաթեթը, ի թիվս այլ բաների, կներառի հրետանային արկեր և հակաօդային պաշտպանության տեխնիկա։
AP-ն, վկայակոչելով սեփական աղբյուրներին, գրում է, որ նոր փաթեթը կներառի HIMARS հրթիռային համակարգերի զինամթերք, հրետանային արկեր և ականանետային համակարգեր, հակաօդային պաշտպանության հրթիռներ, Stinger զենիթային հրթիռներ, Javelin և AT-4 հակատանկային համակարգեր, 155 մմ տրամաչափի հաուբիցներ։
Մայիսին Զելենսկին Reuters-ին տված հարցազրույցում ասել էր, որ արևմտյան երկրներին չափազանց երկար ժամանակ է պահանջվում Ուկրաինային օգնություն տրամադրելու հարցում որոշում կայացնելու համար:
