24.04.2026 | 09:28
Սգալու հետ մեկտեղ պետք է գիտակցենք, որ այս օրը նաև անցյալից հետևություններ անելու, ուժեղանալու և ապրելու մասին է․ Ալեն Սիմոնյան
Նիդերլանդներում ընթանում է Եվրախորհրդարանի ընտրությունների քվեարկությունը
Քաղաքականություն
06.06.2024 | 17:18
Նիդերլանդները Եվրամիության անդամ առաջին երկիրն է, որտեղ սկսվել են նոր գումարման Եվրախորհրդարանի պատգամավորների ընտրությունները, գրում է DW-ի ռուսական ծառայությունը։
Ընտրատեղամասերը, որտեղ կարող են քվեարկել թագավորության 13,5 միլիոն քաղաքացիները, բացվել են հունիսի 6-ին՝ ժամը 7:30-ին: Եվրամիության մի շարք երկրներում փոստով քվեարկությունը սկսվել է մի քանի օր առաջ։
Դիտորդները Նիդերլանդներում հաջողություն են կանխատեսում աջակողմյան քաղաքական գործիչների համար։ ԵՄ մնացած 26 երկրներում մոտ օրերս տեղի կունենան Եվրախորհրդարանի պատգամավորների ընտրությունները։
Չեխիայում դրանք նախատեսված են հունիսի 7-8-ը, Իտալիայում՝ հունիսի 8-9-ը։ Ամեն դեպքում, եվրոպացի ընտրողների ճնշող մեծամասնությունը՝ 360 միլիոն մարդ, այդ թվում՝ գրեթե 65 միլիոն գերմանացիներ, կկարողանան քվեարկել հունիսի 9-ին։
