22.11.2024 | 20:33
3 ոսկե, 3 արծաթե և 8 բրոնզե մեդալ՝ Երևանում անցկացված Զինվորականների ըմբշամարտի աշխարհի 37-րդ առաջնությունից
Թուրքիայում քուրդ քաղաքապետին դատապարտել են 20 տարվա ազատազրկման՝ PKK-ի հետ կապերի մեղադրանքով
Քաղաքականություն
06.06.2024 | 16:31
Թուրքական դատարանը քրդամետ DEM կուսակցության քաղաքապետին դատապարտել է 19 տարի 6 ամիս ժամկետով ազատազրկման՝ «զինյալների հետ կապերի» համար, գրում են թուրքական լրատվամիջոցները։
Իրանին և Իրաքին սահմանակից Հաքքարիի 53-ամյա քաղաքապետ Մեհմեթ Սիդդիք Աքըշը ձերբակալվել էր հունիսի 3-ին՝ Քուրդիստանի աշխատավորական կուսակցության (PKK) գործունեության մեջ բարձր մակարդակով դերակատարություն ունենալու մեղադրանքով։ Նա հերքում է առաջադրված մեղադրանքը։
«Ես գիտեմ, որ դատավարությունը քաղաքական է»,- ասել է Աքըշը Հաքքարիի քրեական դատարանին ուղղված հայտարարությունում։
Քաղաքապետին զրահամեքենայով դուրս են բերել դատարանի շենքից և Վանի բանտ տարել։
Քրդամետ «Ժողովուրդների հավասարություն և ժողովրդավարություն» (DEM) կուսակցությունը X-ում հրապարակված հայտարարությամբ դատավճիռն «առոչինչ» է անվանել։
