16.05.2026 | 18:39
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Գազայում ՄԱԿ-ի դպրոցի վրա Իսրայելի ավիահարվածի հետևանքով զոհերի թիվը հասել է 45-ի
Քաղաքականություն
06.06.2024 | 15:48
Գազայի կենտրոնում գտնվող ՄԱԿ-ի hովանու ներքո գործող դպրոցի վրա իսրայելական ավիահարվածի հետևանքով զոհերի թիվը հասել է 45-ի։ Այս մասին CNN-ին հայտնել է Գազայի առողջապահության նախարարության խոսնակը։
Դպրոցը, որը ղեկավարվում է Պաղեստինի փախստականների հարցերով ՄԱԿ-ի գործակալության (UNRWA) կողմից, հարվածի պահին տեղահանվածներին տեղավորել է փախստականների Նուսեյրաթ ճամբարում։
Իսրայելական բանակը հաստատել է ավիահարվածի փաստը, ինչպես նաև այն, որ թիրախը եղել է դպրոցի ներսում գործող ՀԱՄԱՍ-ի շենքը:
Ըստ Իսրայելի բանակի՝ «բազմաթիվ միջոցներ են ձեռնարկվել, որպեսզի նվազագույնի հասցվի չներգրավվածներին վնասելու վտանգը»։
UNRWA-ը նշում է, որ Նուսեյրաթ փախստականների ճամբարի դպրոցը, «հնարավոր է, մի քանի անգամ հարվածի է ենթարկվել» Իսրայելի կողմից։ UNRWA-ի հաղորդակցության գծով տնօրենը CNN-ին ասել է, որ չի կարող հաստատել իսրայելական տեղելությունները, որ ՀԱՄԱՍ-ի ներկայացուցիչները դպրոցն օգտագործել են որպես բազա։
«Մենք հիշեցնում ենք հակամարտող բոլոր կողմերին, որ դպրոցները և ՄԱԿ-ի այլ տարածքները երբեք չպետք է օգտագործվեն ռազմական կամ մարտական նպատակներով»,- ասել է պաշտոնյան՝ հավելելով, որ «ՄԱԿ-ի օբյեկտները պետք է մշտապես պաշտպանված լինեն»:
