06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Բայդենը ժամանակավոր արգելել է Մեքսիկայից ապօրինի միգրանտներին ապաստան տրամադրել
Քաղաքականություն
06.06.2024 | 13:14
ԱՄՆ նախագահ Ջո Բայդենը հրաման է ստորագրել, որն ուղղված է Մեքսիկայից միգրատների թիվը կրճատելուն։ Վերջին տարիներին նրանց թիվը հասել է ռեկորդային ցուցանիշի, գրում է BBC-ի ռուսական ծառայությունը։
Բայդենը նշել է, որ մարդկանց, որոնք անօրինական հատում են ԱՄՆ սահմանը, կարգելվի ապաստան խնդրել, բայց դա կտևի միայն այնքան ժամանակ, քանի դեռ հարավային սահմանը «ծանրաբեռնված» է։
Ըստ Սպիտակ տան վարչակազմի՝ սահմանափակումը կհեշտացնի ներգաղթի ծառայության պաշտոնյաների կողմից ԱՄՆ-ում անօրինական կերպով գտնվողներին երկրից հեռացնելու գործընթացը։
«Սա Արդարադատության նախարարությանը հնարավորություն կտա ավելի արագ դիտարկել գործերը, իսկ ներքին անվտանգության նախարարությունը կկարողանա ավելի արագ վտարել այն անձանց, որոնք օրինական հիմքեր չունեն Միացյալ Նահանգներում գտնվելու համար»,- ասվում է հաղորդագրությունում:
Սպիտակ տունը որևէ թիվ չի նշում, սակայն Reuters-ը, վկայակոչելով վարչակազմի անանուն աղբյուրին, գրում է, որ արգելող միջոցներ կկիրառվեն, եթե շաբաթվա ընթացքում սահմանին օրական ավելի քան 2500 մարդ ձերբակալվի։ Այս միջոցները կվերացվեն, երբ սահմանին ամենօրյա բերման ենթարկվածների թիվը նվազի՝ հասնելով 1500-ից։
Սպիտակ տան ներկայացուցիչները վստահեցնում են, որ սահմանափակումը կրելու է ժամանակավոր բնույթ։
