07.10.2026 | 23:48
Արթուր Դանիելյանը կալանավորվեց
Լուիս Բոնոն Անկարայում Էրդողանի գլխավոր խորհրդականի հետ քննարկել է Հայաստան-Ադրբեջան կարգավորման գործընթացը
Քաղաքականություն
06.06.2024 | 12:15
ԱՄՆ Պետքարտուղարության Կովկասյան բանակցությունների գծով ավագ խորհրդական Լուիս Բոնոն Անկարայում նախօրեին հանդիպում է ունեցել Թուրքիայի նախագահ Ռեջեփ Թայիփ Էրդողանի արտաքին քաղաքականության և անվտանգության հարցերով գլխավոր խորհրդական, դեսպան Աքիֆ Չաղաթայ Քըլըչի հետ։
«Հանդիպման ընթացքում գնահատականներ ենք տվել Կովկասում կայունության բարձրացման և Ադրբեջան-Հայաստան հարաբերությունների կարգավորման գործընթացի վերաբերյալ»,- գրել է Քըլըչը X-ի իր միկրոբլոգում։
Նշենք, որ օրերս Էրդողանի գլխավոր խորհրդականը հեռախոսազրույց էր ունեցել ԱՄՆ նախագահի ազգային անվտանգության հարցերով խորհրդական Ջեյք Սալիվանի հետ։ Զրույցի ընթացքում կողմերն ընդգծել էին Հայաստանի և Ադրբեջանի միջև խաղաղության համաձայնագրի կարևորությունը։
Բոնոն իր հերթին հունիսի 3-ին Բաքվում բանակցություններ էր անցկացրել Ադրբեջանի ԱԳ նախարար Ջեյհուն Բայրամովի հետ։ Մինչ այդ էլ Պետքարտուղարության պաշտոնյան հանդիպումներ էր անցկացրել Երևանում։
Էմմա Չոբանյան
