07.10.2026 | 20:38
Միկել Արտետան նոր պայմանագիր է կնքել «Արսենալի» հետ
ՌԴ-ում տրամվայների բախման հետևանքով ավելի քան 100 մարդ է վիրավորվել, մեկ զոհ կա․ ՏԵՍԱՆՅՈՒԹ
Քաղաքականություն
06.06.2024 | 12:47
ՌԴ Կեմերովո քաղաքում առավոտյան ժամը 7:30-ին երկու տրամվայներ են բախվել։ «Ինտերֆաքս»-ի հաղոդմամբ՝ ավելի քան 100 մարդ է վիրավորվել։
«Ճշտված տվյալներով՝ տուժել է 102 մարդ, մեկը մահացել է։ Վիրավորում ստացած 31 մարդ զննության է ենթարկվել և տուն է ուղարկվել, 61-ը հետազոտվում է»,- լրատվամիջոցին ասել են արտակարգ իրավիճակների ծառայությունից։
Նշվում է, որ տրամվայը կտրուկ շրջադարձի ժամանակ չի կարողացել արգելակել, և երկու ուղևորներ դուրս են ընկել տրանսպորտային միջոցից։ Դրանից հետո այն բախվել է կանգառում գտնվող մեկ այլ տրամվայի։
Քրեական գործ է հարուցվել Քրեական օրենսգրքի 238 հոդվածի 2-րդ մասով (սպառողների կյանքի կամ առողջության անվտանգության պահանջներին չհամապատասխանող ծառայությունների մատուցում), դատախազությունն ու ոստիկանությունը ստուգումներ են անցկացնում։
Համացանցում նաև տարածվել են կադրերը, թե ինչպես է տրամվայներից մեկը բախումից առաջ մեծ արագությամբ շրջադարձ կատարում, դռները պոկվում են, և մի քանի մարդ դուրս է ընկնում՝ հայտնվելով ճանապարհի երթևեկելի հատվածում։
