22.11.2024 | 19:45
16-ամյա աղջկա սպանության մեղադրանքով արդարացվածները կրկին կանգեցին դատարանի առաջ.ՄԻԵԴ վճիռն անտեսվեց. ՏԵՍԱՆՅՈՒԹ
Տուգանք՝ նվագելու համար․ շրջիկ երաժիշտները կլքե՞ն Երևանի կենտրոնը. ՏԵՍԱՆՅՈՒԹ
Հասարակություն
05.06.2024 | 20:18
Հմայակ Շահվերդյանն արդեն 9 տարի Հյուսիսային պողոտայում դհոլ է նվագում․ ասում է՝ ինքը հայկական երաժշտությունն է մատուցում, տեղացիներից ու զբոսաշրջիկներից էլ միշտ դրական կարծիքներ է ստանում։ Չի հասկանում, թե ինչու է քաղաքապետարանը մտադիր արգելել շրջիկ երաժիշտների գործունեությունը տարածքում։
Երևանի քաղաքապետի մամուլի քարտուղար Հայկ Կոստանյանն էր ֆեյսբուքյան գրառմամբ հայտնել, որ բնակիչները պարբերաբար բարձրաձայնում են շրջիկ երաժիշտների գործունեության հետևանքով խախտված անդորրի և առողջությանը պատճառվող վնասի մասին: Քաղաքապետարանը նախաձեռնել է Երևանի ավագանու որոշման նախագիծ, ըստ որի՝ պետք է արգելվի Հանրապետության հրապարակի, Հյուսիսային պողոտայի և Ա.Սպենդիարյանի անվան օպերայի և բալետի ազգային ակադեմիական թատրոնի և դրանց հարակից 100 մետր շառավղով տարածքներում մշակութային գործունեության իրականացումը։
Հմայակ Շահվերդյանի խոսքով՝ նվագում են մինչև երեկոյան ժամը 9-ը, ինչպես թույլատրված է գործող օրենսդրությամբ, իսկ եթե բնակիչներին անհանգստություն են պատճառում, դադարում են նվագել։ Երևանի քաղաքապետարանի աշխատակազմի հասարակական կարգի պահպանության ծառայություն պետ Արամ Գյուրզադյանը և ծառայության աշխատակիցները Հյուսիսային պողոտայում շրջայցի ժամանակ երաժիշտներին տեղեկացնում էին սպասվող փոփոխության մասին։
Գյուրզադյանն ասում է՝ Հյուսիսային պողոտայում կոնկրետ խնդիր կա․ ամենօրյա բողոքներ են ստանում բնակիչներից։ Նրա խոսքով՝ գործող օրենսդրության համաձայն ևս մշակութային գործունեություն իրականացնելու կարգի խախտման պարագայում կա պատասխանատվություն։
Մանրամասները՝ տեսանյութում։
Անի Թամրազյան
