06.04.2026 | 13:58
Ուկրաինական ԱԹՍ-ները հարձակվել են Կրասնոդարի մարզի վրա
ԱՄՆ Կոնգրեսի Ներկայացուցիչների պալատը հաստատել է ՄՔԴ-ի դեմ պատժամիջոցները
Քաղաքականություն
05.06.2024 | 16:16
ԱՄՆ Կոնգրեսի Ներկայացուցիչների պալատը հավանություն է տվել Միջազգային քրեական դատարանի (ICC) դեմ պատժամիջոցներ սահմանելու օրինագծին՝ կապված Գազայի հատվածում պատերազմի պատճառով իսրայելցի պաշտոնյաների ձերբակալման օրդեր պահանջելու վերաբերյալ դատախազի որոշման հետ, գրում է Reuters-ը։
Օրինագիծը մշակվել է Հանրապետական կուսակցության կողմից։ Նախագծին կողմ է քվեարկել 247 մարդ, դեմ՝ Դեմոկրատական կուսակցության 155 կոնգրեսական։
Օրենքի նախագծի համաձայն՝ ԱՄՆ իշխանությունները կկարողանան պատժամիջոցներ կիրառել այն անձանց դեմ, ովքեր ներգրավված են ՄՔԴ-ում ամերիկացիների և նրանց դաշնակիցների հետապնդման մեջ։ Վաշինգտոնը նախատեսում է արգելել նման անձանց մուտքը ԱՄՆ, զրկել նրանց ամերիկյան վիզաներից և արգելել անշարժ գույքի հետ կապված գործարքներ կատարել երկրում։
Օրինագիծը դժվար թե քվեարկության ուղարկվի Սենատ, որտեղ ներկայացուցիչների մեծամասնությունը Դեմոկրատական կուսակցության անդամներ են, նշում է Reuters-ը։
Մայիսի 21-ին ԱՄՆ Կոնգրեսի Ներկայացուցիչների պալատի նախագահ Մայք Ջոնսոնը հայտարարել էր, որ Միացյալ Նահանգները կքննարկեն Հաագայի Միջազգային քրեական դատարանի ղեկավարության դեմ պատժամիջոցներ կիրառելու հարցը, եթե վերջինը կալանավորի Իսրայելի վարչապետ Բենիամին Նեթանյահուին։
Նա նշել է, որ Իսրայելն «արդար պատերազմ է վարում գոյատևման համար», և ՄՔԴ-ն «փորձում է հավասարեցնել» իսրայելցի պաշտոնյաներին հոկտեմբերի 7-ի ջարդն իրականացրած ՀԱՄԱՍ-ի ահաբեկիչների հետ:
