11.08.2026 | 18:18
Արաիկ Եսայանն ազատվել է աշխատանքի և սոցիալական հարցերի նախարարի տեղակալի պաշտոնից
Ապրիլ-մայիսին Վրաստանից արտաքսվել են 42 օտարերկրացիներ, այդ թվում՝ ՀՀ քաղաքացիներ
Քաղաքականություն
05.06.2024 | 15:55
Վրաստանի Ներքին գործերի նախարարության միգրացիոն վարչությունը «Օտարերկրացիների և քաղաքացիություն չունեցող անձանց իրավական կարգավիճակի մասին» օրենքի հիման վրա այս տարվա ապրիլ-մայիսին ապահովել է տարբեր երկրների 42 քաղաքացիների ձերբակալությունն ու արտաքսումը, գրում է Գրուզիա օնլայնը։
Ձերբակալվածներից ոմանք ինքնակամ լքել են Վրաստանը, իսկ ոմանք բռնի կերպով վտարվել են Վրաստանից միգրացիոն վարչության ձեռնարկած միջոցառումների արդյունքում։
Վրաստանի «Օտարերկրացիների և քաղաքացիություն չունեցող անձանց իրավական կարգավիճակի մասին» օրենքի հիման վրա երկրից արտաքսվել են Իրաքի, Իրանի, Ալժիրի, Պակիստանի, Հայաստանի, Ռուսաստանի, Հորդանանի, Եգիպտոսի և այլ երկրների քաղաքացիներ՝ ընդհանուր առմամբ 42 անձ։
Վտարվածների թվում են Ադրբեջանի Հանրապետության ութ անչափահաս քաղաքացիներ, ովքեր Վրաստան են մտել և երկրում են գտնվել «առանց օրինական հիմքերի և զբաղվել տարբեր հակահասարակական գործունեությամբ»։
ՆԳՆ միգրացիոն վարչությունն այն մարմինն է, որը պատասխանատու է երկրի ներսում անօրինական միգրացիայի դեմ պայքարի համար։ Նրա հիմնական իրավասությունը Վրաստանում առանց օրինական հիմքերի գտնվող օտարերկրյա քաղաքացիների նույնականացումն է և նրանց վտարումը երկրից։
