01.11.2024 | 14:02
Կոբախիձեն կարծում է, որ ընդդիմությունը ստիպված կլինի աշխատել նոր գումարման խորհրդարանում
Թուրքիայի ԱԳ նախարարը Չինաստան այցի ընթացքում մեկնել է ույղուրական քաղաքներ՝ դրանք անվանելով «հին թուրք-իսլամական» բնակավայրեր
Քաղաքականություն
05.06.2024 | 16:33
Թուրքիայի ԱԳ նախարար Հաքան Ֆիդանը Չինաստան եռօրյա այցի շրջանակում այցելել է Ուրումչի և Քաշգար քաղաքներ, գրում են թուրքական լրատվամիջոցները։
Նախօրեին Պեկինում նա հայտարարել է, որ «սրանք հին թուրք-իսլամական քաղաքներ են, որոնք նպաստում են Չինաստանի մշակութային հարստությանը»։
Նշվում է, որ Ֆիդանն այցելել է Սինցզյան-Ույղուրական ինքնավար շրջանի մայրաքաղաք Ուրումչիի Յանգհան մզկիթ և միջազգային մեծ շուկա։ Այցի ընթացքում նա քննարկելու է «ույղուր թուրքերի հիմնարար իրավունքների ու ազատությունների պաշտպանության և Չինաստանում բարեկեցության ու խաղաղության մեջ ապրելու կարևորության հարցերը»։
Հավելենք, որ Հաքան Ֆիդանի այս այցը տարածաշրջան ամենաբարձր մակարդակով է այն բանից հետո, երբ նախագահ Ռեջեփ Թայիփ Էրդողանը 2012 թվականին վարչապետ եղած ժամանակ այցելել էր Սինցզյան-Ույղուրական ինքնավար շրջան։
