21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
Բայդենը պետական այցով ժամանել է Ֆրանսիա
Քաղաքականություն
05.06.2024 | 13:32
ԱՄՆ նախագահ Ջո Բայդենը պետական այցով ժամանել է Ֆրանսիա, հաղորդում է France 24-ը։ Բայդենի օդանավը վայրէջք է կատարել Փարիզի Օռլի օդանավակայանում, նրան դիմավորել է Ֆրասիայի վարչապետ Գաբրիել Աթալը:
Ֆրանսիայի նախագահ Էմանուել Մակրոնի, Մեծ Բրիտանիայի թագավոր Չարլզ III-ի և Կանադայի վարչապետ Ջասթին Թրյուդոյի հետ միասին Բայդենը հինգշաբթի մասնակցելու է դաշնակիցների զորքերի հերոսության հիշատակի միջոցառմանը, որոնք 1944 թվականի հունիսի 6-ին իրենց կյանքն են տվել՝ Եվրոպան նացիստական օկուպացիայից ազատելու համար:
Գերմանիայի կանցլեր Օլաֆ Շոլցը և Իտալիայի նախագահ Սերջիո Մատարելլան նույնպես ներկա են լինելու։
Պատերազմը, որը մոլեգնում է Ուկրաինայում 2022 թվականի փետրվարի 24-ի Ռուսաստանի ներխուժումից ի վեր, առանցքային տեղ է գրավելու հավաքի օրակարգում։ Սպիտակ տան հաղորդմամբ՝ Բայդենը նախատեսում է Փարիզում հանդիպել Ուկրաինայի նախագահ Վլադիմիր Զելենսկիի հետ։
