21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
Պուտինը սկսել է բացօթյա հանրային միջոցառումների ժամանակ զրահաբաճկոն կրել
Քաղաքականություն
05.06.2024 | 13:49
Ռուսաստանի նախագահ Վլադիմիր Պուտինն անցյալ տարվանից բացօթյա հանրային միջոցառումների ժամանակ հագուստի տակ զրահաբաճկոն է կրում։ Այս մասին գրում է The Moscow Times-ը՝ վկայակոչելով երկու ռուս պաշտոնյաների և Կրեմլին մոտ կանգնած աղբյուրի։
Պաշտոնյաներից մեկը, որը մի քանի անգամ անձամբ տեսել է Պուտինին հանրային միջոցառումների ժամանակ, ասել է, որ նա սկսել է զրահաբաճկոն կրել դեռևս 2023 թվականին՝ Անվտանգության դաշնային ծառայության և Նախագահի անվտանգության ծառայության առաջարկով:
«Այս տարի մայիսի 9-ին շքերթի ժամանակ նա հաստատ թաքնված զրահաբաճկոն էր կրում»,- ասել է զինվորական շքերթի ժամանակ Կարմիր հրապարակում ներկա գտնված պաշտոնյան։
Պարբերականի խնդրանքով բրիտանացի անվտանգության հարցերով խորհրդատու Ջեյդ Միլլերն ուսումնասիրել է 2024 թվականի մայիսի 9-ի շքերթում Պուտինի ելույթի տեսագրություններն ու նույնպես հանգել եզրակացության, որ Ռուսաստանի Դաշնության ղեկավարն իսկապես զրահաբաճկոնով է եղել:
