23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Թուրքիայի ԱԳՆ-ն դատապարտել է Ուրուգվայի խորհրդարանի կողմից ընդունված Հայոց ցեղասպանությունը ճանաչող օրենքը
Քաղաքականություն
05.06.2024 | 12:10
Թուրքիայի ԱԳՆ-ն հայտարարություն է տարածել՝ դատապարտելով Ուրուգվայի խորհրդարանի կողմից Հայոց ցեղասպանությունը ճանաչող օրենքի ընդունումը։
«Մենք մերժում և դատապարտում ենք Ուրուգվայի խորհրդարանի կողմից ընդունված և Ուրուգվայի նախագահի պաշտոնակատարի կողմից ստորագրված օրենքը, որը 1915 թվականի իրադարձությունները ճանաչում է որպես ցեղասպանություն։ Այս օրենքը հակասում է միջազգային իրավունքին, մասնավորապես, Ցեղասպանության հանցագործությունը կանխելու և պատժելու մասին ՄԱԿ-ի 1948 թվականի կոնվենցիային և առ ոչինչ է»,- ասվում է հայտարարության մեջ։
Նշվում է, թե «խորհրդարաններն ու քաղաքական գործիչներն իրավասու չեն վճիռներ կայացնել վիճելի պատմական հարցերի վերաբերյալ»։
Անկարան նշում է, թե, իբր, «Ուրուգվայի խորհրդարանն ու կառավարությունը, պատմությունը խեղաթյուրելով, փորձում են հասնել իրենց ներքաղաքական նպատակներին և դա անընդունելի է»։
